Булган аймгийн Тэшиг, Хутаг-Өндөр, Сэлэнгэ сумын нутгийг дамнан орших байгалийн өвөрмөц тогтоц бүхий үзэсгэлэнт Зэд-Хантай-Бүтээлийн нуруу дархан цаазат газар хэмээгдэн улсын хамгаалалтад байдаг газар юм.
Тэгтэл Зэд-Хангай-Бүтээлийн нурууны хамгаалалтын захиргааны дарга Д.Болорчулуун нь өөрийн эрх мэдлийг урвуулан ашиглаж ховор ан амьтан агнуулж, мод огтолж сүйдэлж байгаа тухай нутгийн иргэд мэдээллэж, улмаар авлигатай тэнцэх газарт гомдол гаргасан байна.
Тус гомдолд “Хамгаалалтын захиргааны дарга Д.Болорчулууныг улаан номд орсон нэн ховорд тооцогдох баавгай, бамбарууш, зэрлэг гахай, хандгай шилүүс зэрэг ан амьтдыг агнах хууль бус үйл ажиллагааг тогтмол зохион байгуулдаг. Монголын төрийн томоохон албан тушаалтнууд болон Оросууд энэхүү бүс нутагт ирж хууль бусаар ан агнадаг байж болзошгүй. Түүгээр ч зогсохгүй Д.Болорчулуун даргын дүү нь баавгай агнах явцдаа цагдаагийн байгууллагад баригдсан боловч удалгүй шалгагдахаа больсон.
Мөн Д.Болорчулуун нь дархан цаазат газрын бүсэд өөрийн хувийн хаус болон амралтын газар барьсан бөгөөд зарим үед хүмүүс гаднаас авчирч хэд хоногоор нь амьдруулдаг. Д.Болорчулуун хамгаалалтын дарга болсноос хойш ой модыг хавтгайруулан олноор огтолж байгалийн гоо үзэмж гандаж, буурч байна.
Ажилчдаа ажлын бус цагаар дуудаж хувийн ажлаа хийлгэдэг, нутгийн иргэдэд оногдсон газар тариалангийн бүсийн техник технологийг иргэдэд өгдөггүй, улсын төсвөөр хувьдаа хадлан бэлддэг, өөрөө Эрдэнэт хотод амьдардаг гээд ажлын байрандаа бараг ирдэггүй, ирэхээрээ ажилчдадаа айлдан сүрдүүлдэг, аймаг сумдын засаг дарга нарын өмнөөс нэр бүхий хэдэн сайдын нэрийг дурдаж өөрийгөө хамгаалуулдаг” хэмээн бичиж АТГ-т хүргүүлжээ.
Шалгалт үргэлжилж байна.