Байлдагч M.Гандбадраа албаа хаангаа Засгийн газрын тэтгэлэгт хөтөлбөрт шалгарч, дээд оноог нь авлаа


6-р сарын 21
15 цаг 23 минут
Саяхан Зэвсэгт хүчний 186 дугаар ангийн хугацаат цэргийн алба хаагч, ахлах байлдагч Б.Билгүүн албаа хаангаа цахимаар суралцаж, дээд сургуулиа дүүргэсэн бол Зэвсэгт хүчний 032 дугаар ангийн хугацаат цэргийн алба хаагч, байлдагч Т.Гандбадраа мөн л албаа хаангаа БНХАУ-ын Засгийн газрын тэтгэлэгт хөтөлбөрт шалгарлаа.
 
Энэ хөтөлбөрт 28 сурагч шалгарч, тэтгэлэг авснаас хамгийн дээд оноог байлдагч Т.Гандбадраа авсан байна. Түүнээс "Өглөөний сонин"-ы сурвалжлагч А.Болор-Эгшиглэн дараах ярилцлагыг авчээ.
 
-Цэргийн ангидаа шалгалтад бэл¬дээд хамгийн өндөр оноог авсан байна. Шалгалтдаа хэрхэн бэлдсэн бэ?
-Би сертификатаа гардан авахын тулд цэргийн ангиасаа чөлөө аваад ирсэн. Шалгалт өгөхдөө ч бас чөлөөгөөр гарч ирж байлаа. Цэргийн алба хаах нэг жилийг ашиггүй хугацаа алдалт болгохгүйн тулд чөлөөтэй цаг гарах бүрийд хичээлээ давтаж байсан. Цэргийн албаныхан маань цаас, үзгээс эхлээд шалгалтад бэлдэх бололцоог бий болгож өгсөн юм. Хэдий цэрэгт мэдээ мэдээлэл хомс ч эргэлтээр ирсэн гэр бүл найз нөхдөөсөө асууж сурагласаар шалгалтынхаа мэдээллийг авч чадсан. Хүмүүс нэг жилийн цэргийн алба хаахаар хугацаа алдана, өөр бусад олон чухал зүйлээс хоцорно гэж боддог. Гэвч хичээвэл хаана ч боломж байдаг шүү дээ.
-Цэргийн ангиас БНХАУ-ын засгийн газрын тэтгэлгийг авч чадсан байна шүү дээ. Яагаад заавал БНХАУ-ын тэтгэлэгт хөтөлбөрийг сонгосон бэ?
-Хөл хорионоос үүдэн сүүлийн хоёр жил гадаадын их сургуульд суралцах боломж тун хавчиг болсон. Харин энэхүү тэтгэлэгт хөтөлбөр нь БНХАУ-ын шилдэг их сургуулиудад зуучилж өгдөг. IELTS, HSK зэрэг хэлний оноо шаардахгүйгээр цахимаар хэлний түвшин тогтоох шалгалт авсан. Би энэ оноогоороо нэгдүгээрт эрэмбэлэгдэж, тэтгэлгийн болзол хангасан гэсэн үг. Үүнээс гадна БНХАУ-ын их сургуулиуд дэлхийн чансаанд дээгүүр үнэлэгддэг. Ийм учраас цэргийн алба хааж байгаа ч яаж ийгээд л энэхүү тэтгэлэгт тэнцэхийг зорьсон.
-Халагдаж ирээд юу хийхээр төлөвлөж байна вэ?
-Нэст Эдүкэйшн АйТи сургуульд ахлах ангиа дүүргээд өөрийн хүсэлтээр цэргийн алба хаахаар явсан. Иргэн хүнийхээ, эр хүнийхээ хувьд цэргийн алба хаах нь зөв гэж боддог болохоор тэр л дээ. Цэргээс ирэх аравдугаар сард халагдана. Тэтгэлгээрээ БНХАУ-д компьютер технологийн чиглэлээр суралцах төлөвлөгөөтэй байна.
-Цэргийн албаны талаарх таны сэтгэгдэл?
-Нэр төртэйгөөр эр цэргийн албаа хааж, эх орны хүү болж байгаадаа баярлаж байна. Цэргийн алба хааснаар хүн өөрөө өөрийгөө илүү ойлгож, тэсвэр хатуужилтай болдог мэт санагдсан. Биеийн хүч чадал, ертөнцийг үзэх үзлийн хувьд ч тэр би өөрийгөө өмнөхөөсөө илүү дээрдсэн гэж бодож байгаа.
Эх сурвалж: Монгол Цэрэг-Дэлхийн ЦЭРЭГ
АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.



Шинэ мэдээ

Технологийн компаниуд бүтээгдэхүүн, үйлчилгээгээ танилцууллаа6 сар 24. 17:52Хүүхдэд чиглэсэн хөтөлбөр хэрэгжүүлэх талаар санал солилцов6 сар 24. 17:50Г.Лхамсүрэн: Үндэсний компаниуд мэдээлэл, технологийн ололтод үндэслэн Улаанбаатарын цахим шилжилтийг хийнэ6 сар 24. 17:48Д.Сумъяабазар: Цахим шилжилт хийхдээ мэдээллийн аюулгүй байдалд онцгой анхаарна6 сар 24. 17:40Монгол Улсын Ерөнхийлөгч У.Хүрэлсүх хашаандаа мод үржүүлж буй зарим айл өрхөд зочиллоо6 сар 24. 17:36Монгол Улсын Ерөнхийлөгчийн зөвлөхүүд Монгол дахь Америкийн худалдааны танхимын Удирдах зөвлөлийн төлөөлөгчдийг хүлээн авч уулзлаа6 сар 24. 17:29Нийслэлийн албан тушаалтнуудын автомашиныг хурааж эхэллээ6 сар 24. 10:11Денвер хотын солилцооны хөтөлбөрт хамрагдаж буй сурагчдыг хүлээн авч уулзлаа6 сар 24. 10:09Монгол Улсын ойн сангийн 1 хүрэхгүй хувийг бүрдүүлдэг жодоо модыг бортогонд үржүүлж байна6 сар 24. 10:03Нүүрсний экспортоос улсын төсөвт төвлөрүүлсэн орлого өнгөрсөн оны мөн үеэс 35 хувиар өсжээ6 сар 23. 13:26Зүүн хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын VII бага хурал эхлэв6 сар 23. 13:21“Хувьсаж буй боловсрол” үндэсний хэлэлцүүлэг үргэлжилж байна6 сар 23. 13:17
© 2022 он. Зохиогчийн эрх хуулиар хамгаалагдсан.