Монгол Улсын Ардын жүжигчин Ш.Чимэдцэеэ шавь нарынхаа санаачлагаар урлагт зүтгэсэн 50 жил, язгуур урлаг, тэр дундаа уртын дууг судалж, залуу үедээ өвлүүлэн түгээх гэгээн үйлсэд зүтгэсэн 30 жилийн хөдөлмөрөө дүгнэн тайлагнаж, 5-р сарын 21, 22-ны өдөр 19 цагаас UB palace-т ДУУНД ЗАЛБИРСАН ТАВИЛАН тайлан тоглолтоо толилуулах гэж байна.
Энэ цагийн уртын дуучдаас хамгийн ахмад нь ч байж мэдэх, чансаагаараа ноён оргил болох түүнийг ихэнх хүн дуучин гэдгээр нь л мэддэг байх. Гэхдээ уртын дууг ноотлох, онолжуулахаас эхлээд жилээс жилд мартагдан баларч буй дарьганга үг хэллэгийг түүвэрлэн толь бичиг болгох гээд түүний амьдрал тэр чигтээ соёлын өвийг хадгалж хамгаалах, өвлүүлэн түгээхийн төлөөх эрэл хайгуул, хөдөлмөр зүтгэлээр дүүрэн гэдгийг тэр бүр мэдэхгүй биз ээ. Араасаа олон сайхан уран бүтээлчийг төрүүлж, залуу халаагаа бэлтгэлээ.
Оюунлаг хийгээд хөдөлмөрч хичээнгүй түүний сэтгэлээ дэлгэн өргөж буй энэхүү тоглолтын тасалбарыг аав ээж, өвөө эмээ, ах эгч, найз нөхдөдөө бэлэглээрэй.
108 уртын дуучин хамтдаа "Эртний сайхан"-ыг эгшиглүүлэн нээж, "Тэнгэр ээж минь өршөө"-гөөр өртөөлөн, "Үлэмжийн чанар"-аар жаргахдаа гэнэтийн бэлгээр дүүрэн байх энэхүү арга хэмжээнд хүрэлцэн ирж, хагас зуун жил замбуу тивийг уяраасан энэ эрхэм хүмүүний гэгээн ертөнцөөр аялан, сэтгэлийн цэнгэл эдлээрэй хэмээн урьж байна.
Тасалбарыг 1900-1950 руу захиалан, үнэгүй хүргүүлж болно.
Дэлгэрэнгүй мэдээллийг: 9905-6285, 8856-9093, 8800-9990-ээс аваарай.