УИХ-ын өчигдрийн хуралдаанаар Монгол Улсаас БНСУ, Кувейт улс, Швейцарын Холбооны Улсад суух Онц бөгөөд Бүрэн Эрхэт Элчин Сайд нарыг томиллоо.
Ерөнхийлөгчийн зүгээс Элчин Сайд нарыг эгүүлэн татах, томилох асуудлаар УИХ-д зөвшилцөх саналыг өргөн мэдүүлсэн нь ийнхүү шийдэгдсэн байна. Тодруулбал,
Монгол Улсаас Бүгд Найрамдах Солонгос Улсад суух Онц бөгөөд Бүрэн Эрхэт Элчин Сайдаар Эрдэнэцогтын Сарантогосыг УИХ-ын чуулганд оролцсон нийт гишүүдийн 80,8 хувь, Кувейт Улсад суух Онц бөгөөд Бүрэн Эрхэт Элчин Сайдаар Пүрэвийн Сэргэлэнг 86.5 хувь, Швейцарын Холбооны Улсад суух Онц бөгөөд Бүрэн Эрхэт Элчин Сайдаар Даваасүрэнгийн Гэрэлмааг 88.5 хувийн саналаар томилсон байна. Монгол Улсаас гадаадын зарим улсад суух Онц бөгөөд Бүрэн Эрхэт Элчин Сайд нар томилогдсоноор өмнө ажиллаж байсан Элчин Сайд нарыг эгүүлэн татаж байна. Монгол Улсаас Кувейт Улсад сууж байсан Онц бөгөөд Бүрэн Эрхэт Элчин Сайд Зоригтын Чинтүшиг, Монгол Улсаас Бүгд Найрамдах Солонгос Улсад сууж байсан Онц бөгөөд Бүрэн Эрхэт Элчин Сайд Намсрайн Эрдэнэтуяа, Монгол Улсаас Швейцарын Холбооны Улсад сууж байсан Онц бөгөөд Бүрэн Эрхэт Сайд Лүндэгийн Пүрэвсүрэн нарыг эгүүлэн татлаа.
Сэтгэгдэл бичих