Эмч нар цар тахлын эмчилгээний арга зүй, туршлагаа хуваалцлаа


10-р сарын 20
8 цаг 23 минут

Нийслэлийн Эрүүл мэндийн газар /НЭМГ/-аас “Цар тахлыг хохирол багатай даван туулах арга зүй” сэдэвт онол, практикийн бага хурлыг анх удаа зохион байгууллаа. Тус хуралд нийслэлийн хэмжээнд коронавируст халдварын улаан бүсэд ажиллаж буй эмч, эмнэлгийн мэргэжилтэн, удирдах ажилтнууд оролцож “Эмчилгээний чанар нь эмчийн эмнэл зүйн ур чадвараас, эмнэл зүйн ур чадвар нь судлаач эмчээс” гэсэн уриан дор өөрсдийн судалгаа, илтгэлийг танилцуулсан юм.

Цар тахалтай тэмцэж буй өнөө үед эмчилгээний шинэлэг арга зүй, тэргүүн туршлагаа хуваалцах, түгээн дэлгэрүүлэх, хөгжүүлэхэд энэхүү хурал чиглэсэн. Иймээс ч НЭМГ-ын харьяа 29 эрүүл мэндийн байгууллага, Эх, хүүхдийн эрүүл мэндийн үндэсний төв, Улсын клиникийн нэгдүгээр төв эмнэлэг, Улсын клиникийн хоёрдугаар төв эмнэлэг, Монгол-Япон сургалтын эмнэлэг, АШУҮИС, Сэтгэцийн эрүүл мэндийн үндэсний төв, Эм, эмнэлгийн хэрэгслийн хяналт зохицуулалтын газар, “Эм холбоо” ТББ оролцлоо.

Анхдугаар бага хурлаар дамжуулан “Ковид-19” халдварт өвчний эмчилгээний арга зүйг боловсронгуй болгон хөгжүүлэх, түгээн дэлгэрүүлэх, улаан бүсэд ажиллаж буй эмч нар харилцан туршлага солилцох нөхцөлийг бүрдүүлэх нь ажлын байрандаа хөгжих нэг арга болж байгаа төдийгүй тулгамдаж байгаа асуудлаа хэлэлцэж, дархлаажуулалт болон өвөрмөц эмчилгээний чанарыг сайжруулахад хувь нэмрээ оруулах юм гэдэгтэй оролцогчид санал нэгдэв.

Мөн эмнэл зүйд суурилсан судалгаа, лабораторийн судалгаа, дархлаажуулалтын судалгаа, эмийн ханган нийлүүлэлт, эрэлт судалгаа зэрэг нийт 31 илтгэл тавьсан юм. Тухайлбал, “Ковид-19” халдварын үеийн амбулаторийн тусламж үйлчилгээ, хүнд болон нэн хүнд өвчтөнд үзүүлж буй эмнэл зүйн тусламж, халдварын дараах хүндрэл, гэрийн эмчилгээний хяналтын үр дүн, халдвар илрүүлэх шинжилгээнд ашиглаж буй оношлуур, түргэвчилсэн тестийн үр дүнгийн харьцуулалт, эмч, эмнэлгийн ажилтнуудын өвчлөл, дархлаажуулалтын үр дүнгийн талаарх судалгаа, шинжилгээгээ танилцуулсан. Түүнчлэн халдварын үеийн хүн амын сэтгэцийн тулгамдсан асуудал, иргэдийн хандлага, өвчний урьдчилан сэргийлэлт, хэвтэн эмчлүүлэгчдийн тархвар зүйн байдал, сэргээн засах эмчилгээ, жирэмсэн эмэгтэйчүүдийн эмчилгээ, оношилгоонд түлхүү анхаарч, бодит нөхцөл байдалд тулгуурласан судалгаа, шинжилгээг танилцуулж, харилцан туршлага солилцсон чухал арга хэмжээ боллоо.

НИЙСЛЭЛИЙН ЭРҮҮЛ МЭНДИЙН ГАЗАР

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

А.Бөртэ-Үжин “Авъяас” шалгаруулалтад шилдэг 27 миссийн нэгээр тодорчээ12 сар 7. 13:48"Эрдүү хийл /Альто/ симфони найрал хөгжимд зориулсан политоналын 4-р концерт" зохиолын тухай шүүмж12 сар 7. 13:43МАН-ын Их хуралд тавьсан УИХ-ын дарга Г.Занданшатарын илтгэл12 сар 7. 12:54Цахим салбарын шилдгүүдийг тодруулдаг “Web awards-2021” наадам энэ сарын 30-нд болно12 сар 7. 12:51Их, дээд сургуулиудын амралт энэ сарын 13-наас эхэлнэ12 сар 7. 11:11Ихэнх нутгаар хүйтэрнэ12 сар 7. 11:03Нийслэлд 6733 иргэн вакцины III тунд хамрагдлаа12 сар 7. 11:01Нийслэлд өнөөдөр 10200 хүнийг дархлаажуулахаар төлөвлөжээ12 сар 7. 10:59Алба хаагчдын мэргэжлийн ур чадварыг дээшлүүлж байна12 сар 7. 10:51Гамшгаас хамгаалах болон гал түймрийн улсын хяналтын байцаагч нарт зааварчилгаа өгч ажиллалаа12 сар 7. 10:49Монгол улсын Засгийн газар, Евразийн эдийн засгийн комисс хоорондын хамтын ажиллагааны ажлын хэсгийн IV дүгээр хуралдаан болов12 сар 7. 10:48Монгол-Оросын хилийн боомтын хөгжлийн асуудлаар уулзалт болов12 сар 7. 10:46
© 2021 он. Зохиогчийн эрх хуулиар хамгаалагдсан.