"Эрдэнэс Тавантолгой" ХК тэрбум мод тарих үндэсний хөдөлгөөнд нэгдлээ


10-р сарын 8
9 цаг 53 минут

 “ЭРДЭНЭС ТАВАНТОЛГОЙ” ХК ТЭРБУМ МОД ТАРИХ ҮНДЭСНИЙ ХӨДӨЛГӨӨНД НЭГДЛЭЭ

Монгол Улсын Ерөнхийлөгчийн санаачилгаар нэг тэрбум мод тарих үндэсний хөдөлгөөнийг  орон даяар эхлүүлсэн бөгөөд 2021 оны 10 дугаар сарын 7-ны өдөр  Өмнөговь аймагт мод тарих үндэсний хөдөлгөөнийг албан ёсоор эхлүүллээ.  Ерөнхийлөгчийн Тамгын газрын дарга Я.Содбаатар, Байгаль Орчин Аялал жуулчлалын сайд Н.Уртнасан, аймгийн Засаг дарга Р.Сэддорж, УИХ-ын гишүүн Н.Наранбаатар, “Эрдэнэс Тавантолгой” ХК-ийн Дотоод хяналт эрсдлийн удирдлагын газрын захирал Х.Нурлат болон Батлан хамгаалах яам, Хөдөө аж ахуйн их сургуулийн төлөөлөл Өмнөговь аймгийн ойжуулалтын үйл ажиллагаатай танилцав.

Ерөнхийлөгчийн Тамгын газрын дарга Я.Содбаатар “ Монгол Улсын Ерөнхийлөгчийн санаачилсан тэрбум мод тарих хөдөлгөөнийг олон аж ахуйн нэгж, иргэд дэмжин идэвхтэй оролцож байгаа бөгөөд “Эрдэнэс Тавантолгой” ХК-ийн хамт олон мод тарих үндэсний хөдөлгөөнд манлайлан оролцож байна.  Ойжуулалтыг эрчимжүүлж, ногоон байгууламжийг нэмэгдүүлснээр жимс жимсгэнэ, бордооны аж ахуй хөгжиж, ажлын байр болон  хамгаалалтын зурвас, усжуулалтын систем  нэмэгдэх олон талын ач холбогдолтой”-г онцлов.

”Эрдэнэс Тавантолгой” ХК-иас 2021-2025 онд хэрэгжүүлэх А6-20 Бизнес төлөвлөгөөг боловсруулан компанийн ТУЗ-өөр батлуулан ажиллаж байгаа бөгөөд энэхүү төлөвлөгөөний хүрээнд Хангай болон говийн нутагт хэрэгжүүлэх “Сая тонн-Сая мод” хөтөлбөрийг хэрэгжүүлэн 2021-2030 оны хүртэлх хугацаанд 180 сая мод тарихаар төлөвлөж байгаа юм.

Уг хөтөлбөрийн хүрээнд 57 сая модыг Говийн бүс нутгийн эко систем, цөлжилт, хуурайшилтыг бууруулах зорилгоор “Эрдэнэс Тавантолгой” ХК  болон ЭТТ ХК-н охин компаниуд болох Нүүрс Баяжуулах үйлдвэр, Зүүнбаян төмөр зам, Гашуун сухайт төмөр зам, Тавантолгой түлш ХХК, Гашуун сухайт автозам ХХК болон Цанхийн уурхайнуудын гэрээгээр туслан гүйцэтгэгч компаниудтай хамтран тарьж ургуулна.

Мөн тарихаар төлөвлөсөн нийт модны 25 хувь болох 44 сая модыг Хуурай хээрийн бүсэд, 45 хувь болох 79 сая модыг ойт хээрийн бүсэд уул уурхайн нөлөөлөлд өртөн, эвдрэлд орсон газрыг нөхөн сэргээх зорилгоор тарихаар тооцоолж байна.

“Эрдэнэс Тавантолгой” ХК-ийн тарихаар төлөвлөсөн 180 сая модыг Говийн бүсийн мод үржүүлэг буюу компанийн Өмнөговь аймгийн салбарт байрлах мод үржүүлгийн талбайн хүчин чадлыг нэмэгдүүлэх чиглэлээр, Хуурай хээр болон ойт хээрийн бүсийн мод үржүүлгийн талбай байгуулж, суулгац бэлдэн тарьж ургуулахаар төлөвлөөд байгаа юм.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Нийтийн тээврийн 6 чиглэлд түр өөрчлөлт оруулна11 сар 20. 15:52Бельги дэх монголчуудыг жагсаалын бүсээс хол байхыг сэрэмжлүүлэв11 сар 20. 15:51Ерөнхийлөгчийн сонгуульд АН ялахгүй бол авлигачид улам галзуурна11 сар 20. 15:51Дайнтай улс ч төсвөө 33 хувиар нэмээгүй шүү. Сонгууль угтсан төсөв ийм аюултай11 сар 20. 15:49Монгол Улс цахим засаглалын индексээр дэлхийд 42 дугаарт эрэмбэлэгджээ11 сар 20. 15:49Хөвсгөл аймгийн Төмөрбулаг суманд 4.0 магнитудын хүчтэй газар хөдөлжээ11 сар 20. 15:48Авлига, ашиг сонирхлын зөрчлийн гомдол 20 хувиар нэмэгджээ11 сар 20. 15:48БНСУ-ын хуулийн шалгалтыг хуурсан гэх хардлагад өртсөн залуу амиа алджээ11 сар 20. 15:47Нийслэлд хулгайн гэмт хэрэг 30 хувиар буурч, гэмт хэргийн илрүүлэлт 10 хувиар нэмэгджээ11 сар 20. 14:42Гар утсаа зөвхөн "Баталгаат засварын төв"-д засуулаарай11 сар 20. 14:41Шөнийн автобус 22:00-02:00 цагийн хооронд дараах чиглэлүүдэд үйлчилж байна11 сар 19. 14:59Доройтсон газрыг нөхөн сэргээхэд Япон улстай хамтарна11 сар 19. 14:58
© 2026 он. Зохиогчийн эрх хуулиар хамгаалагдсан.