Монгол улсын ерөнхийлөгч У.Хүрэлсүх НҮБ-ын Хөгжлийн хөтөлбөрийн захирагч Аким Штайнертай уулзав


9-р сарын 22
12 цаг 43 минут
 

Монгол Улсын Ерөнхийлөгч У.Хүрэлсүх НҮБ-ын Хөгжлийн хөтөлбөрийн захирагч А.Штайнертай 9 дүгээр сарын 21-ний өдөр Нью-Йорк хотноо уулзаж, Монгол Улс, НҮБ-ын Хөгжлийн хөтөлбөрийн хамтын ажиллагааны талаар санал солилцов.

Ерөнхийлөгч У.Хүрэлсүх Монгол Улсын нийгэм, эдийн засгийн хөгжилд ихээхэн дэмжлэг үзүүлж, олон жил хамтран ажиллаж байгаа НҮБ-ын Хөгжлийн хөтөлбөрт талархал илэрхийлээд, тус хөтөлбөрөөс ирэх 5 жилд хэрэгжих Улс орны хөтөлбөр нь Монгол Улсын урт хугацааны хөгжлийн бодлого “Алсын хараа-2050” болон Засгийн газрын тэргүүлэх чиглэлүүдтэй нягт уялдаж, тогтвортой хөгжлийн зорилгуудын хэрэгжилт, түүний дотор ядуурлыг бууруулах, уур амьсгалын өөрчлөлт, байгалийн нөөцийн менежмент, сайн засаглал,  дижитал шилжилтийн асуудлыг чухалчлан амжилттай хэрэгжинэ гэдэгт итгэлтэй байна гэв.

Байгалийн тэнцвэрт байдлыг хадгалах, цөлжилтийг сааруулахад чиглэсэн мод тарих хөдөлгөөн өрнүүлэх, эко ногоон хөрөнгө оруулалтын цогц төсөл хэрэгжүүлэх зэрэг Монгол Улсын Ерөнхийлөгчийн санаачлагыг ажил хэрэг болгоход НҮБ-ын Хөгжлийн хөтөлбөрийн зүгээс хамтран ажиллахад бэлэн байгаагаа тус хөтөлбөрийн захирагч А.Штайнер илэрхийлэв.

НҮБ-ын Хөгжлийн хөтөлбөрийн үүсгэн байгуулсан “Accelerator Lab” сүлжээ, холбогдох үйл ажиллагаа нь Монгол Улсын төрийн үйлчилгээг цахимжуулах, “Цахим үндэстэн” болох зорилтыг хэрэгжүүлэхэд хувь нэмэр оруулах боломжтой тул энэ чиглэлийн хамтын ажиллагааг цаашид улам бүр хөгжүүлэхээр талууд тохиров.

Уулзалтын төгсгөлд Ерөнхийлөгч У.Хүрэлсүх Монгол Улс НҮБ-д элссэний 60 жилийн ойг тохиолдуулан НҮБ-ын Хөгжлийн хөтөлбөрийн захирагч Аким Штайнерыг Монгол Улсад айлчлахыг урив.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Д.Тэрбишдагвын ном Франкфуртын олон улсын үзэсгэлэн яармагт танилцуулагдлаа10 сар 22. 13:20"Тавантолгой дулааны цахилгаан станц" төслийн гүйцэтгэгчийг сонгон шалгаруулна10 сар 21. 11:09"НҮБ-ын 7 хоног"-ийн хүрээнд Баянзүрх хайрханы ойг нөхөн сэргээж, мод тарив10 сар 21. 11:05Улаанбаатар хотын 2040 он хүртэлх хөгжлийн ерөнхий төлөвлөгөөнд саналаа хэрхэн өгөх вэ10 сар 21. 11:02Н.Долгормаа: Шинжилгээний цаг авах системийг хөгжүүлнэ10 сар 21. 10:59Баянзүрх дүүргийн 25, 26 дугаар хороонд цэцэрлэг, сургууль барина10 сар 21. 10:57Орон нутагт төрийн өмчит их, дээд сургуульд суралцах оюутнууд сургалтын төлбөрийн хөнгөлөлт эдэлнэ10 сар 21. 10:51Дархлаажуулалтын гуравдугаар тунгийн дараа "Эрдэнэт үйлдвэр"-т халдварын тохиолдол 10 дахин буурчээ10 сар 21. 10:50Нийслэлийн хэмжээнд 15 мянган тонн хүртэлх нөөцийн мах бэлтгэнэ10 сар 20. 8:25Эмч нар цар тахлын эмчилгээний арга зүй, туршлагаа хуваалцлаа10 сар 20. 8:23Жилийн хугацаанд 8.2 сая ам метр талбайд ариутгал хийлээ10 сар 20. 8:21Авто замын түгжрэлийг бууруулах Ажлын хэсэг хуралдлаа10 сар 20. 8:20
© 2021 он. Зохиогчийн эрх хуулиар хамгаалагдсан.