УИХ-ын дарга Г.Занданшатар БНЭУ-ын Парламентын доод танхим-Лок Сабхагийн дарга Ом Бирлатай уулзав


9-р сарын 9
12 цаг 23 минут
 

Парламентын дарга нарын дэлхийн V Бага хуралд оролцож буй Монгол Улсын Их Хурлын дарга Г.Занданшатар Бүгд Найрамдах Энэтхэг Улсын Парламентын доод танхим – Лок Сабхагийн дарга Ом Бирлатай Вена хотноо уулзаж, хоёр талын харилцаа, хамтын ажиллагааны асуудлаар санал солилцов.

УИХ-ын дарга Г.Занданшатар Энэтхэг Улс нь Монгол Улсын Стратегийн түнш, Оюун санааны хөрш болохыг тэмдэглэж, хоёр талын найрсаг харилцааг эдийн засаг, боловсрол, соёл зэрэг бүхий л салбарт өргөжүүлэн хөгжүүлэхэд хоёр улсын парламент хоорондын эрчимтэй хамтын ажиллагаа чухал үүрэгтэйг онцлов.

Түүнчлэн УИХ-ын дарга Г.Занданшатар хоёр улсын хамтарсан Газрын тос боловсруулах үйлдвэрийн төслийг амжилттай хэрэгжүүлэхээр талууд идэвхтэй хамтран ажиллаж байгааг дурдаж, коксжих нүүрс экспортлох, туршилтын тээвэрлэлтийг ойрын хугацаанд хэрэгжүүлэхэд дэмжлэг үзүүлэхийг хүслээ.

Лок Сабхагийн дарга Ом Бирла хоёр улс хамтран хэрэгжүүлж буй төслүүдийг үр дүнтэй, шуурхай хэрэгжүүлэхэд анхааран, дэмжиж ажиллахаа илэрхийлж, УИХ-ын дарга Г.Занданшатарыг тааламжтай цагтаа Энэтхэг Улсад айлчлахыг урив.

Уулзалтын үеэр талууд бүс нутгийн аюулгүй байдал, “КОВИД-19” цар тахлын өнөөгийн байдал, олон талт хамтын ажиллагааны бусад асуудлаар санал солилцлов.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

УИХ-ын гишүүн Ш.Адьшаа аймгийнхаа 90 жилийн ойгоор 99 залуу гэр бүлд өргөө цагаан гэр бэлэглэв9 цаг 1 минутын өмнөБНХАУ-аас худалдан авч буй 43440 тн шатахууныг саадгүй, шуурхай татан авах ажлыг зохион байгуулна9 сар 22. 17:04Гүний шумбалтын онол, дадлагын сургалтыг зохион байгуулж байна9 сар 22. 12:47Нутгийн хойд хэсгээр бага зэргийн бороо орж, сэрүүхэн байна9 сар 22. 12:46Гадаад харилцааны сайд Б.Батцэцэг Ботсвана улсын Гадаад хэргийн сайдтай уулзав9 сар 22. 12:44Монгол улсын ерөнхийлөгч У.Хүрэлсүх НҮБ-ын Хөгжлийн хөтөлбөрийн захирагч Аким Штайнертай уулзав9 сар 22. 12:43Иргэдэд утсаар хууль, эрх зүйн үнэ төлбөргүй зөвлөгөө өгнө9 сар 22. 12:41У.Наранцэцэг: Томуугийн вакцинд хүүхдүүдийн 55 хувь нь хамрагдаад байна9 сар 22. 12:37Нэмэлт гурав дахь тунд 152 мянга гаруй иргэн хамрагдаад байна9 сар 22. 12:36Шадар сайд С.Амарсайхан Истанбул дахь Десбаш чөлөөт бүсийн захиргаатай хамтран ажиллахаар ярилцлаа9 сар 22. 12:35Цэргийн албыг цэргийн музейд "хаах" боломжтой боллоо9 сар 21. 12:32Монгол, Хятадын хилийн авто замын боомтуудыг хаах хуваарь9 сар 21. 12:30
© 2021 он. Зохиогчийн эрх хуулиар хамгаалагдсан.