Сэлбэ дэд төвийн дулааны станцын барилга угсралтын ажлын явц 90%-тай, зам засварын ажил үргэлжилж, ногоон байгууламжийн ажлууд үлдээд байна.
Хотын Ерөнхий менежер, Хотын инженерийн байгууламжийн хэлтсийн дарга нар талбайн ажлын явцыг шалгажээ. Дулааны станцын барилга угсралтын ажил үндсэндээ дуусах шатандаа орсон тул автозамын ажлыг гүйцэтгэгч байгууллага ажлаа эхлүүлээд байгаа билээ. Өнгөрсөн хугацаанд хөрсөө хуулж, чулуун дүүргэлтээ хийсэн, одоо бетон хучилт хийх үлдээд байна.
Азийн хөгжлийн банк, Нийслэлийн Засаг даргын тамгын газрын хөрөнгө оруулалтаар “Улаанбаатар хотын гэр хорооллыг хөгжүүлэх хөрөнгө оруулалтыг дэмжих хөтөлбөр” төслийн хүрээнд Сэлбэ дэд төвийн 28 МВт хүчин чадал бүхий дулааны станцыг 2019 оноос барьж эхэлсэн билээ.
Сэтгэгдэл бичих