Монгол Улсын зургаа дахь Ерөнхийлөгчөөр У.Хүрэлсүх сонгогдлоо


6-р сарын 10
11 цаг 17 минут

Монголчууд найм дахь удаагаа төрийн тэргүүнээ сонголоо.

Үндсэн хуульд оруулсан нэмэлт, өөрчлөлтөөр Ерөнхийлөгчийн бүрэн эрхийн хугацаа хоёр жилээр сунасан нь энэ удаагийн сонгуулийн нэгэн онцлог байв. Эрх баригч намаас экс Ерөнхий сайд У.Хүрэлсүх дэвшсэн бол, Ардчилсан намаас тус намын дарга асан С.Эрдэнэ, “Зөв хүн-Электорат” эвслээс Д.Энхбат нар дэвшсэн юм. Сонгуулийн ирцийн хувьд 22.00 цагийн байдлаар 59.16 хувьд хүрч ирцийн хувьд хүчин төгөлдөр байх боломж бүрдсэн.

Санал өгөх насны бүлгийн хувьд 65-69 насныхан хамгийн идэвхтэй байж нийт санал өгөх хүмүүсийн 75.83 хувь нь саналаа өгчээ. Харин 60-64 насныханы 72.8 хувь, 70-аас дээш насныханы 72.4 хувь нь санал өгч идэвхтэй оролцсон байна. Энэ удаад анх удаагаа санал өгч байгаа 18-19 насны сонгогчид идэвхтэй оролцсоныг дурдах нь зүй. Тэдний 58.3 хувь нь төрийн  тэргүүнээ сонгох ээлжит сонгуульд саналаа өгчээ.

Санал хураах өдрийн 12.00 цагийн байдлаар нийт сонгогчдын 17.52 хувь буюу нийт 353.3 мянган хүн санал өгөөд байв. Харин 18.00 цагийн байдлаар нийт сонгогчдын ирц 40 хувьд хүрч 813.9 мянган хүн санал өгсөн юм. Улмаар санал хураах цаг хаагдахад 22.00 цагийн байдлаар 57.9 хувьд хүрсэн билээ. Энэ удаагийн сонгуульд гадаад улсад амьдарч буй иргэдийн долоон хувь нь саналаа өгсөн. Тодруулбал, гадаад оронд амьдарч байгаа иргэдээс долоон мянга орчим нь саналаа өгөхөөр бүртгүүлснээс 5.4 мянга нь саналаа өгчээ.

Сонгогчдын ирцийн хувьд энэ жилийн сонгууль 2017 оны Ерөнхийлөгчийн сонгуулийн ирцэд хүрсэнгүй. Дөрвөн жилийн өмнө болсон сонгуулиар саналын ирц 60.67 хувь 1.189 сая хүн санал өгөөд байв. Нийслэлийн хувьд 518.9 мянган сонгогч санал өгч ирц нь 62.87 хувьд хүрч байжээ. Энэ удаад хэдийгээр залуусын ирц өндөр байсан ч өмнөх сонгуулиудын ирцийг давж чадсангүй. Үүнийг мэргэжилтнүүд нэр дэвшигчид болон улс төрийн нөхцөл байдалтай холбон тайлбарлаж байна. Монголчууд анх 1993 онд Ерөнхийлөгчөө сонгож байснаас хойш сонгуулийн ирц долоон удаа дараалж унасан дүр зурагтай байсан юм. Наймдахь удаагаа ч тэр жишгээр явлаа.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Гадаад харилцааны сайд Б.Батцэцэг Эмиратын элчин сайдыг хүлээн авч уулзав1 цаг 31 минутын өмнөМонгол, Сингапурын бизнес эрхлэгч нарын хамтарсан ээлжит цахим уулзалт болов1 цаг 32 минутын өмнөХалдварын тархалтыг хумихад төр, иргэн, аж ахуйн нэгжийн хамтын хичээл зүтгэл шаардлагатай байна1 цаг 34 минутын өмнө“Хотын соёл” аян эхэлж байна1 цаг 35 минутын өмнөДолдугаар сард хийгдэх нислэгийн хуваарь1 цаг 39 минутын өмнөЗах зээлийн тойм мэдээ1 цаг 40 минутын өмнөГэрээр үзүүлсэн тусламж, үйлчилгээний зардлыг өрхийн эрүүл мэндийн төвүүдэд олгожээ1 цаг 42 минутын өмнөТөвийн аймгуудын нутгаар бороо орно1 цаг 49 минутын өмнөЯвуулын найм, суурин 20 цэгт вакцин хийнэ1 цаг 52 минутын өмнөОУХМ Б.Урантунгалаг олимпын наадмын эрхээ авлаа2 цаг 13 минутын өмнөТуул голын эхэнд минж нутагшууллаа2 цаг 15 минутын өмнөХотын захиргааны шинэ байранд 145 ор дэлгэнэ2 цаг 17 минутын өмнө
© 2021 он. Зохиогчийн эрх хуулиар хамгаалагдсан.