Төрийн албан хаагчдад зориулсан пүрэв гаригийн вебинар сургалтад 19 мянган албан хаагч оролцжээ


6-р сарын 8
11 цаг 17 минут

Төрийн албан хаагчийн ёс зүй, сэтгэл зүй, харилцаа хандлага, ажлын төлөвлөлт, гүйцэтгэл, виртуал орчинд ажиллах арга,  төрийн албаны инновац зэрэг багц сэдвүүдээр зохион байгуулсан цуврал вэбинарын үр дүнг төрийн бүх шатны байгууллагын 7000 орчим төрийн албан хаагч нэгэн зэрэг холбогдож хэлэлцэн дүгнэлээ.

Оны эхнээс 7.4.10 буюу 7 хоногийн 4 дэх өдрийн 10 цагт төрийн албан хаагчдад зориулсан мэдээлэл, арга зүйн вэбинарыг тогтмол зохион байгуулж хэвшжээ.

Цахим сургалтуудыг үндэсний болон олон улсын нэр хүнд бүхий эрдэмтэд, төрийн албаны экспертүүд хөтлөн явуулсан юм. Тухайлбал Монгол Улсын хөдөлмөрийн баатар, гавьяат тээвэрчин Р.Раш, Удирдлагын академийн Төрийн захиргааны тэнхимийн эрхлэгч доктор, профессорууд, Сингапур Улсын Ли Куан Юүгийн нэрэмжит Төрийн бодлогын сургуулийн профессор, доктор Рубин Ньг нар хичээл заасан байна.

Сургалтад Улсын Их Хурлын харьяа байгууллагууд, Засгийн газрын Хэрэг эрхлэх газар болон Төрийн албаны зөвлөлийн Ажлын алба, яам, агентлаг, аймаг, нийслэл, сум, дүүргийн Засаг даргын Тамгын газар, иргэдийн Төлөөлөгчдийн Хурлын нарийн бичгийн дарга, ажлын албаны дарга зэрэг давхардсан тоогоор 19 мянган төрийн албан хаагч оролцжээ.

Улс орон, дэлхий нийтийг хамарсан цар тахлын цаг үед хагас жилийн турш тогтсон цагт, төлөвлөсөн тодорхой сэдвүүдээр сургалтыг анх удаа тасралтгүй зохион байгуулснаараа онцлог байлаа.

Сургалтын сэдвийг хэрэгцээнд тулгуурлан тодорхойлох үүднээс судалгаа явуулахад төрийн байгууллагад зан үйлийн менежментийг нэвтрүүлэх, цахим хэрэглээний ёс зүй, нууцлалын асуудал, цахим хэрэглээний нөлөө, ажлын байрны эрүүл мэнд болон сэтгэл зүй, харилцааны сургалтыг илүүд тооцжээ.

Арга зүйн сургалтын давтамжийг хэвээр хадгалахын зэрэгцээ төрийн албаны хууль тогтоомжийг эрчимтэй хэрэгжүүлэх үүднээс тулгамдсан тодорхой сэдвүүдээр төрийн  албан хаагчдыг идэвхжүүлэх, харилцаа хандлага, ажлын гүйцэтгэлийг нэмэгдүүлэх соён гэгээрүүлэх агуулгыг түлхүү байлгахаар төлөвлөн ажиллаж байгаа ажээ. 

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих



Шинэ мэдээ

Халдварын тархалтыг хумихад төр, иргэн, аж ахуйн нэгжийн хамтын хичээл зүтгэл шаардлагатай байна1 минут 22 секундын өмнө“Хотын соёл” аян эхэлж байна2 минут 19 секундын өмнөДолдугаар сард хийгдэх нислэгийн хуваарь6 минут 28 секундын өмнөЗах зээлийн тойм мэдээ7 минут 28 секундын өмнөГэрээр үзүүлсэн тусламж, үйлчилгээний зардлыг өрхийн эрүүл мэндийн төвүүдэд олгожээ9 минут 36 секундын өмнөТөвийн аймгуудын нутгаар бороо орно16 минут 11 секундын өмнөЯвуулын найм, суурин 20 цэгт вакцин хийнэ19 минут 34 секундын өмнөОУХМ Б.Урантунгалаг олимпын наадмын эрхээ авлаа40 минут 39 секундын өмнөТуул голын эхэнд минж нутагшууллаа41 минут 56 секундын өмнөХотын захиргааны шинэ байранд 145 ор дэлгэнэ44 минут 3 секундын өмнө2020 онд улсын төсвийн орлого 10 их наяд, алдагдал 4 их наяд төгрөг байжээ45 минут 6 секундын өмнөКовид-19 өвчний улмаас 31.402 хүн эмчлэгдэж байна6 сар 21. 13:17
© 2021 он. Зохиогчийн эрх хуулиар хамгаалагдсан.