Монгол Улсын Ерөнхий сайд Л.Оюун-Эрдэнэ ажлаа дөнгөж аваад ард иргэдээ цар тахлаас урьдчилан сэргийлэх вакцинд хамруулах нь манай Засгийн Газрын хамгийн анхны анхаарах асуудал байх болно гэсэн утгатай амлалт өгсөн. Дэлхийн улс гүрнүүд вакцины төлөө өрсөлдөж, тэр нь улмаар их гүрнүүдийн нөлөөлөл, геополитикийн асуудал болж хувирах янзтай.
Харин Монгол Улс нийслэлдээ хангалттай цэгт вакцинжуулалт өрнүүлж, дараалалгүй байна ирээд хийлгээрэй гээд иргэдээ уриалж, 21 аймагтаа ч вакцин хүргүүлчихээд сууж байна. Хатуу хөл хорио тогтоолоо хэмээн ундууцаж, ярдаглаж суухын оронд эрүүл эсэн мэнд вакцинтай золгосондоо талархаад гүйж очоод тариулчихаарай гэж уншигчдадаа уриалмаар байна. Ерөнхий сайд Л.Оюун-Эрдэнэ ямартай ч вакцинаа олоод ирлээ, одоо харин нэхэл дагал болоод байсан иргэд маань идэвхтэй хамрагдчихвал түүний хэлсэн дараагийн амлалт хөл хорионоос гарч эдийн засгаа сэргээх ажил руугаа орцгоомоор байна аа.
Ц.Оргил
