“МОНГОЛЫН АРД ТҮМЭН ОЮУН САНААНЫ ХӨРШ ЭНЭТХЭГИЙН АРД ТҮМЭНТЭЙ ЗҮРХ СЭТГЭЛЭЭРЭЭ ХАМТ”


4-р сарын 27
16 цаг 16 минут

Монгол Улсын Ерөнхий сайд Л.Оюун-Эрдэнэ Бүгд Найрамдах Энэтхэг Улсаас Монгол Улсад суугаа Элчин сайд М.П.Сингхийг хүлээн авч уулзан КОВИД-19 цар тахлын үеэрх хамтын ажиллагаа болон хоёр талын харилцааны бусад асуудлаар санал солилцов.

Ерөнхий сайд Л.Оюун-Эрдэнэ Энэтхэг Улсад цар тахлын нөхцөл байдал хүндэрч, аюулт өвчний улмаас олон хүн амиа алдаж байгаад харамсаж буйгаа илэрхийллээ. Хүнд хэцүү энэ цаг үед Монгол Улсын Засгийн газар болон Монголын ард түмэн оюун санааны хөрш Энэтхэгийн ард түмэнтэй зүрх сэтгэлээрээ хамт байгаа гэдгийг илэрхийлж, БНЭУ-ын Ерөнхий сайд Нарендра Модид захидал бичсэнээ элчин сайдад өгч, уламжлан илгээхийг хүсэв.

Мөн анхны 150 мянган тун КОВИД-19-ийн эсрэг вакциныг буцалтгүй тусламжаар Стратегийн түнш БНЭУ-аас Монгол Улсад олгосонд талархаж байгаагаа дахин илэрхийлж, Монголын олон зуун иргэд Энэтхэгийн ард түмэнтэй  сэтгэл зүрхээрээ хамт байгаагаа илэрхийлж, зарим нь тусламжийн аян өрнүүлж эхлээд байгааг тэмдэглэв. Энэ бүхэн Монгол, Энэтхэгийн найрамдал нөхөрлөл хэчнээн бат бэхийг харуулж байгаа бөгөөд манай хоёр орны ард түмэн энэхүү хүнд сорилтыг хамтдаа даван туулна гэдэгт итгэлтэй байгаагаа илэрхийллээ.

Элчин сайд М.П.Сингх Ерөнхий сайдад талархал илэрхийлээд Энэтхэгийн ард түмэнд халуун сэтгэлийн илгээмж, дэмжлэгийн үг илгээснийг олон мянган энэтхэгчүүд харсан. Өнөөдөр ч олон зуун хүний сайхан сэтгэлийг мэдэрч байгаа гэв. Цар тахлын нөхцөлд байгаа ч стратегийн түншлэлийн хүрээнд хэрэгжүүлж буй томоохон төслүүд, Газрын тосны боловсруулах үйлдвэр байгуулах, нүүрс тээвэрлэх талаар хийгдсэн яриа хэлэлцээрүүдийг хэрэгжүүлэх ажлууд тасалдалгүй үргэлжилнэ гэдэгт талууд санал нэгдэв гэж Засгийн газрын Хэвлэл, мэдээлэлтэй харилцах газраас мэдээллээ.

АНХААРУУЛГА: Уншигчдын бичсэн сэтгэгдэлд turleg.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.



Шинэ мэдээ

Ерөнхий сайд Л.Оюун-Эрдэнэ: Жилд 30 сая тонн нүүрс баяжуулж,нэмүү өртөг шингээн экспортолно5 сар 7. 19:25Л.ОЮУН-ЭРДЭНЭ: Тавантолгой – Гашуунсухайт чиглэлийн төмөр замыг ирэх оны долдугаар сард АШИГЛАЛТАД ОРУУЛНА5 сар 7. 19:23Үндсэн хуулийн цэцийн 2021 оны 03 дугаар дүгнэлтийг хүлээн зөвшөөрөх боломжгүй гэж үзлээ5 сар 7. 8:21Энэтхэгийн ард түмэн, Засгийн газарт хүмүүнлэгийн тусламж үзүүлэв5 сар 7. 8:17Ерөнхийлөгч Х.Баттулга Монгол Улсын Ерөнхийлөгчийн сонгуулийн тухай хуульд өөрчлөлт оруулах тухай хуульд бүхэлд нь хориг тавилаа5 сар 7. 8:15“КОВИД-19”- ийН ДАРААХ ТӨРИЙН АЛБА ЯМАР БАЙХ ВЭ?5 сар 7. 8:14Вакцинд, шинжлэх ухаанд итгэх үү эсвэл...5 сар 7. 8:07Хотын дарга Энхтайваны гүүрний засварыг стандартын дагуу хийхийг үүрэг болголоо5 сар 6. 8:23Энэ бямба гарагаас өндөржүүлсэн бэлэн байдлын зэрэгт шилжинэ5 сар 6. 8:13“Хараат бус сэтгүүл зүй” үндэсний форум боллоо5 сар 3. 17:28“Сэтгүүлч Батдорж” сангийн 8 дахь уралдааны шилдгүүд тодорлоо5 сар 3. 15:19Дэлхийн сэтгүүлчид “Цар тахлын дараах эрин үе” сэдвээр чууллаа5 сар 3. 15:16
© 2021 он. Зохиогчийн эрх хуулиар хамгаалагдсан.