Милуоки Бакс баг Жейкоб Блейкийг буудсан хэргийг эсэргүүцэн бойкот хийсний улмаас өнөөдөр өглөө болох байсан NBA-н хасагдах шатны гурван тоглолтыг хойшлууллаа.
Өнгөт арьст залуу Блейкийг өнгөрсөн ням гарагт цагдаа нар хүүхдийнх нь нүдэн дээр долоон удаа буудсан. Үүний улмаас Милуоки хотоос 25 км-ын зайд байрлах хэрэг гарсан Кеноша хотод жагсаал өрнөөд байгаа юм.
Түүнчлэн MLB-н тоглолтууд Милуоки Брюерс багийн бойкотын улмаас хойшилсон ба Сиатл Маринерс баг ч мөн дараагийн тоглолтоо хийхгүй гэдгээ зарлалаа.
Кеноша хотод өрнөөд буй жагсаал
Тоглолт хойшлуулсан багийн төлөөллүүд "Улс орон даяар зовж, шаналж байгаа энэ үед бид ялгаварлан гадуурхах үзлийн тухай асуудалд анхаарал хандуулахыг хүслээ" хэмээв.
Милуоки Бакс багийн дэд ерөнхийлөгч Алекс Лазри "Зарим зүйлс сагсан бөмбөгөөс илүү чухал. Өнөөдөр бид хамтдаа зогсон хангалттай гэж хэлж байна. Бидэнд өөрчлөлт хэрэгтэй" гэв.
Өнөөдөр өглөө товлосон хуваарийн дагуу NBA-д
- Милуоки Бакс - Орландо Мейжик
- Оклахома Сити Тандер - Хюстон Рокетс
- Портланд Трейл Блейзерс - Лос Анжелес Лейкерс багуудын цувралын тав дахь тоглолтууд болох байсан юм.
Эх сурвалж: NBA, BBC
Сэтгэгдэл бичих